Brutoale overvaal ien Röppen

Röppen, zodderdag 16 feberwoarie.
Op oavend van dizze zodderdag het ter n brutoale overvaal west ien Röppen.
De buit, roem 200.000 euro dij mitnommen wer, is nog aaltied te zuik.
Nou zellen ie wel denken, wat is dit non weer, mor ik as joen reporter oet t prachtege dörpke
op dij zulfde prachtege oldste wier van Nederlaand, was der bie op de joarliekse
tenailoavend van Kloosterspeulers.
Zo as t heurt was t alpmoal ien t Boers. k Kon t hail schier verstoan,
mor de eerliekse Grunnegers ien zoal begrepen t vanzulf hail goud.
t Stuk ging over drij hail ol vraauwlu dij mit mekoar n baank overvalen gingen
om t bejoardenhoes oet de geldzörgen te hoalen en om zo verzekerd te weden
van n gemoudelke goie olle dag.
Klaaindochter van ain van ol vraauwlu het nog pebaaierd om mit heur vrund boudel tegen te hollen,
mor dat hulp nait meer. De buit van roem 200.000 euro wer op t lest
vonden ien koamer van heur opoe. Kommesoares Nico het de doames goud stief ondervroagd.
Vanzulf zo as dat gaait, is kommesoares ook nait vies van t grode geld en gaait der onder
bedraaigen van n revolver mit t geld vandeur (dat denkt hai).
Aal mit aal heb k genotterd van n òfgerakkerde oavend en zo
as k wind bin ien dit nuvere dörpke bleef t nog laank ruierg.
Kloosterspeulers BEDAANKT! k Kiek non aal weer oet noar aankommend joar.

Joen ReRo

Voor foto's klikt u HIER.